WhatsAppને કરી શકાશો ફેસ આઈડીથી લોક, જાણો કેવી રીતે એક્ટિવ કરવા નવા ફીચર

દિલ્હી, 25 ફેબ્રુઆરી 2019, સોમવાર

દુનિયાભરના લોકો માટે પ્રિય મેસેજિંગ એપ બની ચુકેલા વોટ્સએપમાં નવા બે ફીચરનો ઉમેરો થયો છે. આ ફીચર લોકોની પ્રાઈવસીને વધારી દેશે. વર્ષ 2019ની શરૂઆત બાદ વોટ્સએપએ નવા ધમાકેદાર ફીચર એક્ટિવ કર્યા છે. વોટ્સએપમાં આઈઓએસ યૂઝર્સ માટે વોટ્સએપએ ફિંગરપ્રિંટ અનલોક ફીચર રજૂ કર્યુ છે. તો ચાલો સૌથી પહેલા જાણી લો કે આ ફીચરનો ઉપયોગ કેવી રીતે કરી શકાય છે.

વોટ્સએપએ બાયોમેટ્રિક અનલોક ફીચર આઈફોન યૂઝર્સ માટે ગત સપ્તાહમાં લોન્ચ કર્યું હતું. આ ફીચરના કારણે યૂઝર્સ તેના વોટ્સએપને બાયોમેટ્રિક્સનો ઉપયોગ લોક અને અનલોક કરી શકશે. જો કે આ ફીચરનો ઉપયોગ કોઈ ચેટને લોક કરવા માટે નહીં કરી શકાય. હવે જાણો કે આ ફીચરને એક્ટિવ કેવી રીતે કરવું. વોટ્સએપના સેટિંગ્સમાં જઈ અકાઉન્ટમાં જવું ત્યાં પ્રાઈવસી પર ટેબ કરી સ્ક્રીન લોકમાં જવું, સ્ક્રીન લોકમાં ફેસ આઈડી અથવા ટચ આઈડી પર ક્લિક કરી આ ફીચરને એક્ટિવ કરી શકાય છે. 

આ ફીચર ઉપરાંત વોટ્સએપએ ગૃપ કોલિંગ ફીચરને પણ વધુ સરળ બનાવ્યું છે. હવે ગૃપ કોલિંગ કરવા માટે યૂઝર્સએ માત્ર એડ પાર્ટિસિપેન્ટ પર ક્લિક કરવાનું રહે છે. આમ કરવાથી સ્ક્રીન પર કોન્ટેક્ટની યાદી ખુલી જશે અને તેમાંથી વધારેમાં વધારે 4 લોકોને પસંદ કરી તેમની સાથે ચેટ કરી શકાય છે.  આ ફીચર ઉપરાંત વોટ્સએપએ શો ઈન ચેટ, ઓડિયો પિકર જેવા ફીચર પણ એક્ટિવ કર્યા છે. 

from Science technology News - Gujarat Samachar : World's Leading Gujarati Newspaper https://ift.tt/2GJmF1t