વોંટેડના પોસ્ટર પર પોલીસે લગાવ્યો આરોપીના બાળપણનો ફોટો અને પછી...

નવી દિલ્હી, 29 માર્ચ 2019, શુક્રવાર

આરોપીને પકડવા માટે ઘણીવાર પોલીસ વોંટેડના પોસ્ટર છપાવતી હોય છે કે જેની મદદથી આરોપી તુરંત પકડાઈ જાય. આ પોસ્ટરમાં પોલીસ આરોપીના ફોટો સાથે ઈનામની રકમ, તેણે કરેલા ગુનાની વિગતો લખે છે. પરંતુ ચીનની પોલીસએ એક વિચિત્ર પોસ્ટર છપાવ્યું છે જેમાં તેમણે આરોપીનો નાનપણનો ફોટો લગાવી દીધો. પોલીસની આ હરકત સોશિયલ મીડિયા પર વાયરલ થઈ છે.

ચાઈના પોલીસએ જી કિંધાઈ નામના આરોપીના નાનપણનો ફોટો પોસ્ટર પર લગાવ્યો છે. આ ઘટના ચીનના ઝેનકોંન શહેરમાં બની છે. આ આરોપી ભીડભાડ હોય તે જગ્યાઓ પર ઉપદ્રવ મચાવે છે. પોલીસને જ્યારે આ આરોપીની તસવીર ન મળી તો તેણે આરોપીના નાનપણનો ફોટો લગાવી પોસ્ટર છપાવી દીધા. 

પોલીસએ આ મામલે સ્પષ્ટતા પણ કરી છે કે આરોપીના ફીચર નાનપણમાં હતા તે જ છે, તેમાં કોઈ ફેરફાર થયો નથી. તેના આંખ, કાન, નાક, આઈબ્રો નાનપણમાં હતા તેવા જ હોવાથી તે આ તસવીરનો ઉપયોગ કરવામાં આવ્યો છે. જો કે સોશિયલ મીડિયા પર આ ઘટનાની મજાક બનતા પોલીસે આ તસવીર હટાવી અને પોતાની હરકત પર માફી પણ માંગી છે. 

from International News - Gujarat Samachar : World's Leading Gujarati Newspaper https://ift.tt/2JNTGM6