એન્યા ટેલર જોયેે લાસ્ટ નાઇટ ઇન સોહો સાઇન કરી

લંડન તા.06 ફેબ્રુઆરી 2019, બુધવાર

હોનહાર અભિનેત્રી એન્યા ટેલર જોયને લાસ્ટ નાઇટ ઇન સોહો ફિલ્મ માટે સાઇન કરવામાં આવી હોવાના અહેવાલ પ્રગટ થયા હતા. આ ફિલ્મને સાઇકોલોજીકલ હોરર ફિલ્મ તરીકે ઓળખાવાઇ રહી હતી. 

છેલ્લે એન્યા એમ નાઇટ શ્યામલનની ગ્લાસ ફિલ્મમાં ચમકી હતી. એડગર રાઇટ આ ફિલ્મના ડાયરેક્ટર અને જોઇન્ટ સ્ક્રીપ્ટ રાઇટર છે. એમની સાથે ક્રિસ્ટી વિલ્સન-કેયર્ન્સ પણ સ્ક્રીપ્ટ રાઇટર છે જેણે શોટાઇમની પેની ડ્રેડફૂલની સ્ક્રીપ્ટ પણ લખી હતી.

શ્યામલનની ૨૦૧૬માં રજૂ થયેલી  ફિલ્મ સ્પ્લીટમાં એન્યાએ પહેલીવાર મુખ્ય રોલ કર્યો હતો. આ વર્ષના ઉત્તરાર્ધમાં રજૂ થનારી કોમિક બુક આધારિત ફિલ્મ ધ ન્યૂ મ્યુટન્ટ્સ ફિલ્મમાં પણ એન્યા ચમકવાની છે એમ વેરાયટી ડૉટ કોમના એક અહેવાલમાં જણાવાયું હતું.

૧૯૮૨માં રજૂ થયેલી જિમ હેન્સનની ફિલ્મ ધ ડાર્ક ક્રિસ્ટલ પરથી બનનારી ફેન્ટસી ટીવી સિરિઝ ધ ડાર્ક ક્રિસ્ટલ્સ)ઃ એજ ઑફ રેઝિસ્ટન્સ માટે પણ એન્યાને સાઇન કરવામાં આવી છે.

from Entertainment News - Gujarat Samachar : World's Leading Gujarati Newspaper http://bit.ly/2GrZWWS