નાના બાળકો કેનાલ પરથી બુમો પાડી ઇશારાઓ કરી રહ્યા હતાં.....

અમદાવાદ, તા. 24 મે 2019, શુક્રવાર

વડોદરા શહેરમાં આવેલા લક્ષમીપુરા પોલીસ સ્ટેશનની હદમાં અંકોડિયા પાણીની કેનાલની બાજુમાંથી એક રસ્તો પસાર થાય છે આજે સવારે 11:30 ની આસપાસ પોલીસ સ્ટેશનની PCR વાન ત્યાંથી નીકળી હતી. પોલીસ લોકરક્ષક ડાયાભાઈ ચીકાભાઈ તથા અશોકભાઈ અંબારામ પેટ્રોલીંગ કરી રહ્યા હતા. આ સમયે એકાએક કેનાલ ઉપરથી કેટલાક બાળકોની બૂમ સંભળાઇ હતી. તેનાથી થોડે જ દૂર ત્રણેક નાના બાળકો બુમો પાડી ઇશારાઓ કરી રહ્યા હતાં.

બૂમો સાંભળીને પોલીસ કર્મચારીઓએ તુરંતજ PCR વાનને કેનાલ પાસે લઇ ગયા હતા ત્યાં જઈ બાળકો સાથેની વાતચીતમાં ખબર પડી કે આ બાળકો અહીંયા કેનાલના કાંઠે રમવા આવ્યા હતા અને રમતા રમતા 8-10 વર્ષનો એક બાળક પાણીની કેનાલમાં પડી ગયો છે. આ બાળક ડૂબી રહ્યો હતો, આ જોઈને તુરંત જ PCRના ડ્રાઈવર ડાયાભાઇએ ગાડી ઉભી રાખી પાણીમાં ડૂબી રહેલા બાળકને બચાવવા માટે યુનિફોર્મમાં જ તાત્કાલિક કેનાલમાં કૂદી પડ્યા હતા. જ્યારે સાથે રહેલા પોલીસ લોકરક્ષક અશોકભાઈ એ તાત્કાલિક બીજી ગાડીનો સંપર્ક કરી દોરડું મંગાવ્યું હતું.

પોલીસ કોન્સ્ટેબલ ભગીરથસિંહ ધીરુભા દોરડું લઈને આવી ગયા હતા ત્યારબાદ આ બાળકને આશરે 8-10 ફૂટ ઊંડા પાણીમાંથી રેસ્ક્યુ કરી ડૂબતો બચાવી લેવાયો હતો. આ બાળકનું નામ વિપુલ સોમાભાઇ બારીયા છે અને તેઓ અંકોડિયા ગામની સીમમાં રહે છે અને મૂળ વતન દાહોદ જિલ્લાના નવજીવન સાયન્સ કોલેજની બાજુમાં,ટીંડોલિયા ફળિયું છે. આ બાળક ચોથા ધોરણમાં અભ્યાસ કરે છે. આ બાળકને તેના પિતાને બોલાવી સોંપી દીધો છે.

from Ahmedabad News - Gujarat Samachar : World's Leading Gujarati Newspaper http://bit.ly/2W1r8EB