સામાજિક અંતર જાળવવામાં કોઈ ઉણપ આવે તો પાલિકા ગ્રાહકો અને દુકાન માલિકો બનેને દંડ કરશે

(પ્રતિનિધિ દ્વારા)              મુંબઇ.તા.2 મે, 2020, શનિવાર                                         

ફળો, શાકભાજી અથવા દવા જેવી આવશ્યક ચીજવસ્તુઓનું વેચાણ કરતી દુકાનોએ સામાજિક અંતર જાળવવું પડશે અથવા તેમને રૃ .૨,૦૦૦ નો દંડ ચૂકવવો પડશે.  નવી મુંબઈ મ્યુનિસિપલ કોર્પોરેશન (એનએમએમસી) એ એક નવો પરિપત્ર ક બહાર પાડયો છે, જે દુકાનના માલિકોને તેમની દુકાન પર એટલે કે બે ગ્રાહકો વચ્ચે ઓછામાં ઓછા ત્રણ ફૂટના અંતરે સામાજિક અંતર સુનિશ્ચિત કરવું ફરજિયાત બનાવ્યું છે.

 એન એમએમસી અધિકારક્ષેત્ર હેઠળ કોવિ ડ-૧૯ ના સકારાત્મક કેસોની સંખ્યા ૨૫૦ ને વટાવી ગઈ છે અને પાલિકાએ તેના પ્રસારને રોકવા પગલું ભર્યું છે.  તેના અધિકાર ક્ષેત્રમાં ૧ મેના રોજ વીસ નવા કેસ નોંધાયા હતા.  ૨૦ કેસોમાંથી ૧૪ એપીએમસી માર્કેટ સાથે સંબંધિત છે અને બાકીના લોકો મુંબઇ મુસાફરી કરનારા લોકો અથવા તેમના સંપર્કમાં આવેલા લોકો માટે છે.  આ પરિપત્ર મુજબ, સામાજિક અંતર જાળવવામાં કોઈ ઉણપ આવે તો ગ્રાહકો અને દુકાન માલિકો બંનેને દંડ કરવામાં આવશે. જો ગ્રાહકો વચ્ચેનું અંતર ત્રણ ફુટથી ઓછું હોય, તો ગ્રાહકો અને દુકાન માલિકો બંનેએ દંડ ભરવો પડશે.  જ્યારે દુકાનના માલિકોએ ૨ હજાર રૃપિયા ભરવા પડશે અને ગ્રાહકને ૨૦૦ રૃપિયા આમ એકત્રિત કરીને તેઓને છોડી દેવાશે.

 આ ઉપરાંત  બંને સામે એફઆઈઆર પણ નોંધાવી શકે છે.   સરકારના અહેવાલ મુજબ એનએમએમસી થાણે જિલ્લા હેઠળ આવેલો છે, જે રેડ ઝોનમાં છે, તેથી ૩ મે પછી લોકડાઉન કરવામાં કોઈ છૂટછાટ આવે તેવી સંભાવના નથી. પાલિકાએ જાહેર સ્થળોએ માસ્ક પહેરવાનું ફરજિયાત બનાવવાનું અને જાહેર સ્થળોએ થૂંકવા બદલ દંડ લાદવાનો નિર્ણય લીધો છે.  પ્રારંભિક તબક્કે, પાલિકાએ જાહેર સ્થળોએ થૂંકવા બદલ ૧૦૦ થી વધુ લોકોને દંડ ફટકાર્યો હતો.

 હવે, આનો કડક અમલ કરવામાં આવશે, અને દંડ ૨૫૦ રૃપિયાથી વધારીને રૃ .૧૦૦૦ કરવામાં આવ્યો છે.  તેમ છતાં, માસ્ક પહેરવાની કડક દેખરેખ રાખવામાં આવશે અને ઉલ્લંઘન કરનારાઓને ૫૦૦ રૃપિયા લાદવામાં આવશે.  તમામ કેસોમાં પાલિકા એફઆઈઆર નોંધી શકે છે.

from Mumbai News - Gujarat Samachar : World's Leading Gujarati Newspaper https://ift.tt/2KVqiS0