નરોડામાં રહેતા યુવક-યુવતીએ દેશભરમાં એસકોર્ટ નેટવર્ક બનાવ્યું હતું

અમદાવાદ, બુધવાર

ઇડી અને ગોવા પોલીસે થોડા દિવસ પહેલા ગોવાના પણજીમાં દરોડાની કાર્યવાહી કરીને કોકેઇનના જથ્થા સાથે ચિરાગ દુધાત સહિત ચાર લોકોની ધરપકડ કરીને મોટુ રેકેટ ઝડપી લીધું હતું. ચિરાગ દુધાતના મોબાઇલ ફોન અને તેની પુછપરછમાં ચોંકાવાનારો ખુલાસો થયો હતો કે ચિરાગ દુધાત ગર્લ ફ્રેડ માહી સાથે મળીને સમગ્ર દેશમાં એસકોર્ટ સર્વિસનું મોટુ નેટવર્ક ચલાવતો હતો. તેના મોબાઇલ ફોનમાંથી પોલીસને યુવતીઓના ફોટાગ્રાફ્સ અને અન્ય વિગતો મળી હતી.

નોર્થ ગોવામાં પોલીસ અને ઇડીએ પણજીમાં સંયુક્ત દરોડા પાડીને નીબુ વિનસેન્ટ, રેશ્મા વાડેકર, માંગેશ વાડેકર અને ચિરાગ દુધાત નામના આરોપીઓને ૪૩ કરોડની કિંમતના કોકેઇનના મોટા જથ્થા ઝડપી લીધા હતા.

from Ahmedabad News - Gujarat Samachar : World's Leading Gujarati Newspaper https://ift.tt/1IX8ljg